ກົມແຜນທີ່ແຫ່ງຊາດ, ກະຊວງພາຍໃນໄດ້ຮັບອະນຸມັດງົບປະມານຈາກລັດຖະບານ ໃນການຈັດຊື້ເຄື່ອງມືອຸປະກອນການສຳຫລວດວັດແທກ ມີຈຸດປະສົງ: ຂໍເຊີນບັນດາບໍລິສັດທີ່ມີທະບຽນການຄ້າຖືກຕ້ອງຕາມລະບຽບກົດຫມາຍເຂົ້າຮ່ວມປະມູນພາຍໃນເປີດກ້ວາງ ເພື່ອສະຫນອງຈັດຊື້ເຄື່ອງມືອຸປະກອນການສຳຫລວດວັດແທກໃຫ້ແກ່ ກົມແຜນທີ່ແຫ່ງຊາດ ບໍລິສັດໃດສົນໃຈ ຂໍເຊີນຕິດຕໍ່ຊື້ຊອງປະມູນ ມູນຄ່າ 800,000 ກີບ ໄດ້ທີ່ກົມແຜນທີ່ແຫ່ງຊາດ ເລີ່ມແຕ່ວັນທີ 12 ມິຖຸນາຈົນເຖິງວັນທີ 5 ກໍລະກົດ 2013 ຕາມໂມງລັດຖະການ. ຈະໄດ້ເປີດຊອງປະມູນໂດຍຊ້ອງຫນ້າຄະນະກຳມະການ ແລະ ຜູ້ຍື່ນຊອງປະມູນໃນວັນເວລາດຽວກັນ ທີ່ກົມແຜນທີ່ແຫ່ງຊາດ, ກະຊວງພາຍໃນ. ໃນວັນທີ 5 ກໍລະກົດ 2013 ເວລາ 9ໂມງ 30 ນາທີ. ຊອງປະມູນຈະຕ້ອງສົ່ງກ່ອນບໍ່ໃຫ້ກາຍເວລາ 9 ໂມງ 20 ນາທີ ຂອງວັນດັ່ງກ່າວ ສອບຖາມຂໍ້ມູນເພີ່ມເຕີມກະລຸນາຕິດຕໍ່ພົວພັນກັບກົມແຜນທີ່ແຫ່ງຊາດຕາມທີ່ຢູ່ຂ້າງລຸ່ມນີ້: ກົມແຜນທີ່ແຫ່ງຊາດ, ກະຊວງພາຍໃນ, ຖະຫນົນນາໄຮ່ດຽວ, ຄຸ້ມນາໄຮ່ດຽວ, ບ້ານສີສະຫວາດ, ເມືອງຈັນທະບູລີ, ນະຄອນຫລວງວຽງຈັນ (ຢູ່ໃນຂອບຮົ້ວຫ້ອງການລັດຖະບານ) ໂທລະສັບ: 021 214 917, 020 22242897, 020 […]

  ກອງປະຊຸມ ຄະນະກຳມະການ GIS ແຫ່ງຊາດ ໄດ້ໄຂຂື້ນໃນວັນທີ 14 ມິຖຸນາ 2013 ທີ່ຫ້ອງປະຊຸມໃຫຍ່ ກົມແຜນທີ່ແຫ່ງຊາດ, ກະຊວງພາຍໃນ ພາຍໃຕ້ການເປັນປະທານຂອງທ່ານ ບົວສົດ ສຸວັນນະກຸມມານ ຫົວຫນ້າກົມແຜນທີ່ແຫ່ງຊາດ ພ້ອມທັງເປັນຄະນະດັ່ງກ່າວ ໂດຍມີຜູ້ເຂົາຮ່ວມຈຳນວນ 30 ທ່ານ ຈາກບັນດາກົມ, ສູນ, ສະຖາບັນ ທີ່ມາຈາກ 10 ກະຊວງ. ກອງປະຊຸມໄດ້ທົບທວນຄືນບັນດາແຜນການ ແລະ ຄວາມຄືບຫນ້າຂອງການຈັດຕັ້ງປະຕິບັດແຜນການເຫລົ່ານັ້ນນັບຕັ້ງແຕ່ໄດ້ມີການຕົກລົງກັນໃນກອງປະຊຸມຄັ້ງຜ່ານມາ. ນອກນັ້ນ ກອງປະຊຸມຍັງໄດ້ປຶກສາຫາລືກ່ຽວກັບການຂຽນຊື່ພູມີສາດ, Metadata ແລະ ບາງບັນຫາທີ່ຜູ້ເຂົ້າຮ່ວມໄດ້ຍົກຂື້ນມາເພື່ອປຶກສາຫາລືເພີ່ມເຕີມ. ກອງປະຊຸມຄັ້ງຕໍ່ໄປຈະໄດ້ຈັດຂຶ້ນໃນເດືອນກັນຍາຂອງປີນີ້ເພື່ອປຶກສາຫາລືບັນຫາເຫລົ່ານີ້ ແລະບາງບັນຫາຕື່ມອີກ